Италија е за одвојување на преговорите на Македонија и Албанија за членство во ЕУ, соопшти во Брисел италијанскиот премиер Марио Драги по состанокот на Европскиот Совет во Брисел, пишува „Јуроњуз“, пренесува агенцијата Мета.
Македонија и Албанија официјално сѐ уште се ставени во иста рамка за преговорите за членство во ЕУ, а со кревањето на бугарското вето за земјава што се случи вчера, првин во бугарскиот парламент, а потоа во Брисел, и двете земји треба да ги почнат преговорите. Но, условите што ги наметнува Бугарија за Македонија и се однесуваат само на неа, дефинитивно ќе го отежнат максимално процесот на преговорите.
Според пренесеното од „Јуроњуз“, Драги, очигледно, смета дека Албанија треба да биде поштедена од заедничката рамка во која се ставени Македонија и Албанија и дека Албанија треба да напредува во преговорите со сопственото темпо, без и понатаму да биде изедначувана со Македонија.
ПОВРЗАНИ ВЕСТИ
Жестоки реакции за транспарентите „Македонија е Бугарија“ во бугарското Собрание, од ЕУ молк
(Фото) Отворени територјални претензии во бугарското Собрание: „Македонија е Бугарија“
Бајрактаров: Ова “НЕ” е многу поевропско од многу други т.н. европски одлуки