Министерот за внатрешни работи Оливер Спасовски рече дека нема никаква забрана за издавање на викендици на семејства и едно семејство да може да биде во некоја викенд куќа каде било на територијата на нашата земја, но е кривично дело на издавање на викендица на група на луѓе.
„Не е идејата да донесеме одлука дека рестораните, хотелите не можат да работат после 18 часот, а од друга страна да отвориме нови такви објекти да ги имаме во околината на Скопје, во Сопиште, Маврово, Охрид.
Зошто би била забраната за рестораните и хотелите ако тоа некои може да го прават во викендиците,“ одговори Спасовски на новинарско прашање на прес-конференцијата за отчетот 100 дена Влада.
Тој додаде дека МВР веќе има изготвено оперативна акција за откривање на овие кривични дела, но полицијата уште реагира превентивно до издавачите на викендички, за да знаат што може да ги очекува ако изнајмуваат на групи луѓе.
Контролите ќе почнат да се спроведуваат следната недела и за новогодишната ноќ.
МИА/Фото: Влада