Бројот на починати од корона вирусот се зголеми на 511 лица. Од Институтот за јавно здравје информираат дека заклучно со 2 август, годинава од регистрираните смртни случаи, најголем дел се на возраст над 60 години (367) каде е регистриран и највисок специфичен морталитет 95,8/100.000 жители.
Регистрирани се 319 смртни случаи кај лица од машки и 182 кај лица од женски пол.
Од починатите, кај 404 (80,6%) се регистрирани коморбидитети, најчесто кардиоваскуларна болест (306 случаи), дијабет (142 случаи) и белодробна болест (74 случаи). Регистрирани се два смртни случаи кај бремени жени и четири смртни случаи кај здравствени работници.
Дваесет и седум (5,4%) од пријавените случаи починале во вонболнички услови, а останатите 474 (94,6%) починале за време на хоспитализација.
ПОВРЗАНИ ВЕСТИ
Највисок морталитет од корона вирусот во Струга, Тетово, Куманово и Скопје
Штипјанец по втор пат заразен од корона вирусот
Убава вест: Оздравени 113 пациенти од корона вирусот, најмногу од Скопје 57
Нови 88 заболени од корона вирусот од 1.507 тестирани, најмногу во Скопје, Штип, Струга
Фото: МЗ