Комисијата за хартии од вредност (КХВ) на последната седница со која претседаваше претседателката на КХВ, Нора Алити, врз основа на член 244 став 4 од Законот за хартии од вредност одлучи да поведе прекршочна постапка, односно да издаде прекршочен платен налог на лицето Тито Беличанец за сторено прекршување на член 173 став 1 од Законот за хартии од вредност.
„Попрецизно, лицето Тито Беличанец пред продажбата на акциите имал внатрешна информација дека „Тетекс“ АД Тетово ќе престане со производство на тешка конфекција.
Со ваквото постапување, односно со продажбата на акциите пред да биде објавена ценовно чувствителна информација која лицето Тито Беличанец како член на Одбор на директори ја знаел, од негова страна е извршено прекршување на Законот за хартии од вредност“, информираат од КХВ.
ПОВРЗАНИ ВЕСТИ
Тито Беличанец продаде 4.000 акции од „Тетекс“ за 146.000 евра
Нема зима за акционерите на „Тетекс“
„Тетекс“ станува компанија за издавање недвижнини
„Тетекс“: Компанијата не се затвора, туку нерентабилен погон
Фото: Тетекс