Последниве месеци речиси да нема ден, а изјава на бугарската министерка за надворешни работи, Екатерина Захариева да не заврши во македонските медиуми. За жал не ретко нејзините изјави се со апсурдни уцени за македонските власти, но и навредувачки за македонскиот народ.
ПОВРЗАНИ ВЕСТИ
(ВИДЕО) 300 илјади граѓани во 1947 година го пречекаа во Бугарија „диктаторот“ Тито
„На Захариева и паднал шеќерот“: Твитер „поцрвене“ по последниот апсурд за славењето на Тито
Која е Екатерина Захариева
Според официјални податоци кои за нејзе може да се најдат на интернет, Екатерина Спасова Гечева-Захариева е родена на 8 август 1975 година.
Родена е во Пазарџик.
Омажена е, а нејзиниот приватен живот секогаш успешно го чувала од јавноста.
Какво образование има
Дипломирала и магистрирала на Пловдивскиот универзитет по право.
Интересен детал кога е во прашање нејзиното образование е и дека зборува германски јазик.
Политичка кариера
По завршувањето на образованието почнала да работи како адвокат, а во 2003 година станала правен советник во бугарското Министерството за животна средина и вода.
Неколку години подоцна, навлегува подлабоко во политичките води и во 2009 година станала министерка за регионален развој во владата на Росен Плевнелиев.
Кога тој станал претседател на Бугарија, е избрана за привремен заменик-премиер во владата на Марин Рајков.
Во 2013 година е повторно министерка за регионален развој, а од декември 2015 година до јануари 2017 година била министерка за правда.
Стана министерка за надворешни работи на Бугарија во мај 2017 година.
Таа е член на партијата на актуелниот бугарски премиер Бојко Борисов, ГЕРБ.
Фото: Фејсбук/Захариева