Борче Стаменов е Маж на годината според социјалните медиуми за 2021 година, според гласањето на Фејсбук-страницата Мажи на годината.
Стаменов освои најмногу лајкови и со тоа заслужено ја понесе оваа награда.
Изборот на Мажи на годината во организација на „Фрајдеј комуникации и „Џентлмен магазин“ ќе се одржи на 24 ноември (среда) и вклучува 13 добитници во 13 категории помеѓу кои и главната награда за Маж на годината за 2021 година.
Борче Стаменов e херојот од Кавадарци, кој секојдневно склопува и поправа стари компјутери кои ги подарува на социјално загрозени семејства, деца со попреченост, или едноставно, наши сограѓани кои не можат да си дозволат сами да си купат.
Се започнало кон крајот на 2016 година кога во фирмата во која 20 години работи „Бидат информатика“, една жена му побарала половен компјтер.
„Старите компјутери ги чував за делови, не ги фрлав. Жената кога ми побара, склопив еден и утредента ѝ го однесов. Немаше ни со што да си го земе. Четирите деца кога го видеа се израдуваа, никогаш претходно немале видено компјутер. И така започна се,“ раскажува Борче за еМагазин.
Повеќе за приказната на Стаменов, ОВДЕ.
ПОВРЗАНИ ВЕСТИ
Кавадарчанецот Борче Стаменов го донираше 1.000 компјутер, трошоци 0 денари
Фото: emagazin.mk