Актуелниот претседател на опозициската ВМРО-ДПМНЕ, Христијан Мицкоски и поранешниот лидер Никола Груевски продолжуваат со јавното препукување преку социјалните мрежи.
ПОВРЗАНИ ВЕСТИ
„Војната“ на Фејсбук започна откако Мицкоски за германски весник изјави дека Груевски е во тајна комуникација со актуелната власт за поделба на партијата за да поминат уставните измени.
ПОВРЗАНИ ВЕСТИ
Груевски не е задоволен од одговорот на Мицкоски, бил “рекла-казала“
“Очи во очи ќе ти кажам кога ќе се видиме“, му одговори Мицкоски на Груевски
Мицкоски тврди дека нема поделба во партијата по тоа прашање, а интересно е да се види кој се досега му даде јавна подршка во оваа „војна“.
Меѓу првите кој му даде подршка беше градоначалникот на скопски Аеродром, Тимчо Муцунски, кој е и потпретседател на партијата.
– Претседателот Христијан Мицкоски ја има целата поддршка и доверба од мене да ја предводи политичката партија која на следните парламентарни избори ќе освои најголем број пратеници и ќе ја формира иднината влада во Македонија, напиша тој на Фејсбук.
ПОВРЗАНИ ВЕСТИ
Јавна подршка доби и од Гордана Димитриеска Кочоска, потпретседателка на ВМРО-ДПМНЕ
– ВМРО-ДПМНЕ никогаш не било посплотено, пообединето. И има зошто. Затоа што вистинскиот вмровец никогаш не поддржувал криминал, затоа што вистинскиот вмровец ја брани со срце и душа Македонија. Членството знае дека ова раководство предводено од Христијан Мицкоски секогаш ќе биде против корупцијата и криминалот, дека секогаш ќе ја брани Македонија и никогаш нема да прифати измени на уставот кои ќе наштетат на македонскиот народ.
Тоа се докажа и со последните гласања против во Собранието. Тоа што некои од власта си наоѓаат пријатели, од оние кои се прикажуваат како опозиционери и прават лични аранжмани на колективниот грб, нема да помине. Само со сплотеност и тимска работа може да има успех, како што и се случува.
Ќе завршам со спортски речник: Тимот никогаш не се напушта и кога победува, но и кога не е најдобар. За тимот се гине, тимот е пред личниот интерес. Секој еден денес може да направи разлика кој е каков тимски играч, напиша таа на Фејсбук.
Подршка стигна и од Ѓорѓија Сајкоски, генерален секретар на ВМРО-ДПМНЕ
-Единството во партијата мора да го зачуваме борбата за подобра Македонија мора да ја продолжиме!, напиша тој на Фејсбук
Подршка доби и од неколку пратеници, но и од Унијата на ветерани на ВМРО-ДПМНЕ.
– Во овие можеби најтешки историски времиња за опстанокот на модерната македонска држава, ВМРО-ДПМНЕ предводена токму од Христијан Мицкоски со својот реализиран патриотизам, но и разум е единственот бедем во одбрана на националните и државни и интереси на Република Македонија, напишаа од Унијата на Фејсбук и повикаа на единство, обединување и поддршка кон претседателот на ВМРО-ДПМНЕ, Христијан Мицкоски, како и кон целото раководство на партијата.
-Единствено ВМРО-ДПМНЕ е сигурната гаранција за опстанокот на Македонија. Нема да им помине на сите оние кои од различни причини сакаат да го клекнат на колена. Стравот од силината на ВМРО е очигледна, патот е тој, целта е заедничка од сите кои си ја сакаат државата. Нема враќање назад, ВМРО-ДПМНЕ е иднината на Македонија. Да живее ВМРО-ДПМНЕ, напиша на Фејсбук пратеничката Лилјана Затуроска.
ПОВРЗАНИ ВЕСТИ
„Мицкоски против Груевски значи дека има 80 пратеници за гласање?“: Твитер реакции
Груевски бара доказ од Мицкоски дека е во комуникација со Владата и дека го дели ВМРО-ДПМНЕ
Груевски е во тајна комуникација со Владата, тврди Мицкоски за германскиот весник ФАЦ
Фото: ВМРО-ДПМНЕ