Надзорниот одбор на Комерцијална банка ја усвоил предлог-одлуката за употреба и распоредување на нераспределената добивка до 31.12.2019 според која за една обична акција ќе се исплаќа дивиденда во бруто-износ од 550 денари, односно 55 отсто во однос на номиналната вредност од 1.000 денари, соопшти банката преку Македонската берза.
„За предложениот износ на дивидендата за 2019 година, акционерите ќе се известат преку Повикот за учество на Годишното собрание на акционери на Банката. Собранието на акционерите на Комерцијална банка АД Скопје ќе се одржи на 02.04.2020 година, а датумот на евиденција според кој ќе се определи листата на акционери кои имаат право на дивиденда за 2019 година, е 23.04.2020 година.
Последен ден на тргување со право на дивиденда за 2019 година е 21.04.2020 година. Прв ден на тргување без право на дивиденда за 2019 година е 22.04.2020 година.
Исплатата на дивиденда за 2019 година ќе започне на 29.04.2020 година“, информираат од банката.
ПОВРЗАНИ ВЕСТИ
Продаден блок акции од Комерцијална банка за 842.000 евра
Хотел „Континентал“ оди под залог кај Комерцијална банка