Додека лидерите на Западан Балкан на Бледскиот стратешки форум во Словенија по којзнае кој пат повикаа да се забраза интеграцијата на овој регион во Европската унија (ЕУ), а нејзините преставници ја повторуваа познатата реторика дека место на регионот е таму, францускиот претседател, Емануел Макрон, истиот ден на собир на француските амбасадори во Париз порача дека ЕУ можеби треба да еволуира кон унија со различни брзини, додека размислува како да ги интегрира Украина, Молдавија и земјите од Западен Балкан.
Тој рече дека ЕУ треба да се реформира ако сака да се прошири со нови земји и мора да изгради консензус меѓу повеќе од 30 земји.
„Ризик е да мислиме дека можеме да се прошириме без реформа. Можам да посведочам дека доволно е тешко за Европа да напредува на чувствителните теми со 27 членки. Со 32 или 35 членки, нема да биде полесно“, кажа тој.
„Потребна ни е храброст да прифатиме поголема интеграција во некои области и можеби дури и Европа со различни брзини“, додаде тој, без да објасни како ќе функционира ЕУ со различни брзини.
ПОВРЗАНИ ВЕСТИ
Фото: Влада