Претседателот на ВМРО–ДПМНЕ, Христијан Мицкоски заедно со потпретседателот Тимчо Муцунски, меѓународниот секретар Стефан Андоновски и членот на Извршниот комитет и портпарол Марија Митева остварија средба со министерката за надворешни работи на Бугарија, Теодора Генчовска.
На средбата се разговарало за актуелната политичка состојба и предизвиците на Македонија во процесот на европска интеграција. Мицкоски ја истакнал загриженоста за европската интеграција на Македонија и побарал да се отворат преговорите без условувања.
Мицкоски посочил дека ВМРО-ДПМНЕ нема да прифати договор кој е резултат на преговори во кој не учествува најголемата политичка партија ВМРО-ДПМНЕ и преговори кои се на штета на македонскиот народ и неговиот идентитет.
„Оваа влада нема легитимитет да преговара и да ги нарушува македонските преговарачки позиции.
Мицкоски порача Бугарија да го тргне ветото без одложување и пристапните преговори да започнат што поскоро низ призма на европските вредности и критериуми,“ се вели во соопштението на ВМРО-ДПМНЕ.
Фото: ВМРО-ДПМНЕ