Лидерот на ВМРО-ДПМНЕ, Христијан Мицкоски со дел од партиската пратеничка група попладнево во 15:30 часот ќе оди на средба кај претседателот на државата Стево Пендаровски во вила Водно и ќе бара од него да им ги соопшти аргументите и доказите врз основа на кои му го додели мандатот за формирање нова влада на лидерот на СДСМ, Зоран Заев.
На прес-конференција пред партискиот штаб, Мицкоски обвини дека со доделувањето на мандатот, Уставот е прекршен, а дел од таквиот чин, според него сега е и претседателот Пендаровски зашто на Заев му го дал мандатот без тој да му приложи доказ дека обезбедил мнозинство.
Според Мицкоски, со доверувањето на мандатот, целта на Пендаровски е да му овозможи уште 20 дена преговарање на Заев за влада.
– Очекуваме и апелирам Пендаровски да не прими мене и уште еден пратеник за да разговараме за доказите со кои Заев го убедил да го добие мандатот. Бараме да ни објасни врз основа на кој доказ и документ му го довери мандатот на Заев, истакна Мицкоски.
Одговорајќи на новинарско прашање, лидерот на ВМРО-ДПМНЕ уште еднаш кажа дека ниту еден пратеник од неговата партија нема да им даде поддршка на Заев и СДСМ за формирање Влада.
– Изминатото деноноќие уште тројца пратеници пријавија „добронамерници“ кои во име на Заев и СДСМ нудат привилегии само за да обезбедат поддршка за СДСМ, рече Мицскоски.
ПОВРЗАНИ ВЕСТИ
(Фото) Пендаровски му го врачи мандатот на Заев за состав на нова Влада
МИА/Фото: ВМРО-ДПМНЕ