Според податоци на Институтот за јавно здравје (ИЈЗ) во периодот од 17 до 23 април се регистрирани 85 нови позитивни случаи, со намалување од 7,6% во однос на минатата недела (n=92).
-Процентот на позитивност се движи од 6,1% до 13,5%, просечно 9,1%.
Во тековната недела, регистрирани се заболени лица во општините од 12 градови. Најголем дел од регистрираните случаи се од Скопје (n=51; 60,0%), a највисока инциденца е регистрирана во Охрид (14,5/100.000 жители).
Регистрирани се заболени лица во сите возрасни групи, со најголем број на случаи пријавени во возрасната група над 60 години (n=45; 52,9%).
Со оглед на малиот број на пријавени случаи, зголемувањето/намалувањето по возрасни групи е варијабилно.
Во текот на минатата недела (17-23.04.2023) со статус „оздравени“ се стекнале 94 лица во хоспитални услови или на домашно лекување, за 20,3% помалку во однос на минатата недела (n=118).
Во текот на минатата недела, пријавени се 26 реинфекции, за 44,7% помалку во однос на претходната недела (n=47).
Пријавени се 3 починати лица со датум на смрт во текот на последната недела (17-23.04.2023), од Скопје и Прилеп, со коморбидитети и починати во болнички услови. Лицата се на возраст од 76-81 година, стои во извештајот на ИЈЗ, кој еМагазин редовно го пренесува.
Фото: МЗ