Министерството за правда во тек на наредните денови ќе ја комплетира потребната документација за поднесување барање за екстрадиција на Игор Спасов, осудениот поранешен припадник на специјалните едници на МВР за убиство на Мартин Нешковски, кој вчера беше уапсен во Бугарија.
„Ако лицето е во притвор државата има рок од 40 дена за поднесување барање за екстрадација, но веруваме дека во следните денови ќе ги прибираме потребните документи и до бугарските власти ќе поднесеме барања за екстрадиција на лицето Игор Спасов“, велат од Министерството за правда.
Според извештајите на бугарските медиуми Спасов бил уапсен вчера околу 15 часот во населбата „Младост“ во Софија.
Случајот „Нешковски” датира од 2011 година, кога на градскиот плоштад во Скопје, во време кога ВМРО-ДПМНЕ ја славеше победата на предвремените парламентарни избори осудениот Спасов, како дел на обезбедувањето, младиот Мартин Нешковски го претепа до смрт.
МИА
ПОВРЗАНИ ВЕСТИ
Игор Спасов бил уапсен во Софија поради семејно насилство
Детали за апсењето на убиецот Игор Спасов: Екс-полицаецот живеел во Софија, откриен преку дојава
Игор Спасов, убиецот на Мартин Нешковски уапсен во Софија