еМагазин
Image default
ТОП СТОРИИ Убава приказна

Млади успешни претприемачи од Македонија: Основачите на CodeWell со награда во Варшава

Синоќа се одржа гала церемонијата во Варшава организирана од страна на Европските Бизнис Награди по повод доделување на наградите за најдобри компании и претприемачи во Европа.

На овогодинешното издание на Европските Бизнис Награди, на основачите на CodeWell, Нино Карас и Мартин Анчевски, им беше официјално доделена наградата за Национален Победник во категоријата Претприемачи на годината.

Оваа награда претставува голем успех и признание за CodeWell како исклучителни лидери во областа на претприемништвото и иновациите. Ова е голем успех и за нашата држава која со ваквите примери се пробива во светот на бизнисот на едно повисоко и посериозно ниво.

Нино Карас и Мартин Анчевски се основачи на CodeWell, интернационална компанија која е специјализирана во полето на вештачката интелигенција со фокус на Chatbot-ови и мобилни апликации.

Најновиот продукт на компанијата е CodeWell AI – напредна технолошка платформа за создавање паметни дигитални асистенти кои доаѓаат во форма на чет ботови и се во можност да зборуваат на било кој јазик со голема прецизност од над 95%.

Oваа платформа им помагa на бизнисите да автоматизираат цели оддели преку асистенти базирани на вештачка интелигенција, што резултира со големи заштеди кај компаниите, но и директно зголемување на профитот.

Прва имплементација на оваа платформа во Македонија е четботот на А1 за препорака на телефони со име Славчо (www.sakamtelefon.mk).

Продуктите позади кои стои CodeWell на неколку наврати се најдоа и на страниците на најпознатите медиуми во светот, вклучувајќи ги Forbes, The Huffington Post, TechCrunch, Venture Beat и останати.

CodeWell најавува дека ќе продолжи со ваквата тенденција на достигнувања и успеси во областа на иновативните технологии и бизнис сферата.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Македонија нема да дозволи влез на мигранти, ќе ја затвори целосно јужната граница

Редакција

На просечната плата и недостигаат уште 69 евра за да достигне 500 евра

Редакција

(Галерија) Семејната компанија „Завар“ прослави 30 години постоење: Кога од иноксот создавате уметност

Редакција