еМагазин
Image default
Македонија ТОП СТОРИИ

Мојот сопруг поднесе оставка поради хајката против него: Најчевска за повлечениот амбасадор Тодоровски од Прага

Со реакција на социјалните мрежи за враќањето на амбасадорот Сашко Тодоровски од Прага, на Фејсбук се јави неговата сопруга професорката Мирјана Најчевска.

-Мојот сопруг поднесе оставка.

Лакејот на Али Ахмети кој се претставува како министер за надворешни работи започна хајка против мојот сопруг заради моите критички настапи како професор и експерт, и заради несогласувањето на мојот сопруг како амбасадор во Прага со начинот на функционирање на министерството кое Османи го приватизираше.

Мојот сопруг не се согласи со барањето на Османи (кој самиот изјави дека одговара единствено пред Али Ахмети) да го известува него и само него на дневна основа и во лична комуникација надвор од каналите на министерството, со заобиколување на Владата и на Претседателот на државата за случувањата во државата во која е поставен за амбасадор.

Значи Османи ги прекрши Уставот и законите што дипломат професионалец како мојот сопруг не можеше и не си дозволи да го толерира (за што пред неколку месеци достави претставка до Владата и до Претседателот на државата).

Со оглед на тоа дека никој не реагираше на наводите во дописот во кој беа посочени отворени акти на дискриминација од страна на Османи, мобинг и основи за сомневање за направени кривични дела, мојот сопруг поднесе оставка.

А на неписмениот лакеј на Али Ахмети кој се претставува како министер за надворешни работи некој треба да му каже дека сопругите и сопрузите на амбасадорите добиваат средства во висина од 10% од платата на амбасадорот не за да се шетаат и да се проводат туку за извршување на дипломатски задачи кои им ги доделува амбасадорот, напиша таа.

ПОВРЗАНИ ВЕСТИ

Поради низа неправилности вратен амбасадорот Сашко Тодоровски од Прага

Фото: МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Во стан на Груевски пронајден 4 пиштоли, за кои немал дозвола

Редакција

Ќе се отворат ли летните тераси на рестораните и кафулињата: Утре истекуваат рестриктивните мерки

Редакција

„Лукоил“ го доби тендерот на МВР за набавка на еуродизел „тежок“ 94 милиони денари

Редакција