Салка Абдуловска, мајка на аутистично дете, на својот Фејсбук-профил објави дека нејзиното дете било врзувано на Психијатриската клиника во Демир Хисар и дома било пуштено со рани по телото.
„После месец дена, мојот син денес го земавме од Психијатриската боилница. Не можам да верувам каде живееме, зарем нашето дете е ѕвер? Да, агресивен стана овие две години и затоа побаравме здравствена помош, но во 21 век да го врзувате? Вака не се смирува ова дете, ова е насилство. Барам одговорност за овие рани што бил врзуван,“ пишува Абдуловска.
Министерот за здравство Фатмир Меџити, во врска со овој случај изјави дека детето со аутизам било лекувано според сите протоколи што ги даваат експертите по психијатрија.
Тој додаде дека вонредниот инспекциски надзор завршил и веќе имало извештај и дека имало пропусти и во дијагностицирањето и во лекувањето на момчето.
„Веднаш дадов наредба, се формираше стручна комисија и ќе биде на терен што е можно побрзо, на лице место и експерти од сите области ќе одлучат каде точно се пропустите. По нивниот извештај, ќе преземеме други мерки,“ нагласи министерот.
Фото: МЗ