Државниот завод за статистика (ДЗС) вчера соопшти дека просечната месечна исплатена нето-плата по вработен, во ноември 2020 година, изнесувала 27.588 денари.
Податоците на ДЗС откриваат дека во земјава има дејности каде вработените земаат плати кои се и за повеќе од 10.000 денари пониски отколку државниот просек.
Први на листата најниски просечни плати се вработените во заштитни и истражни дејности каде во ноември била исплатена просечна плата од 15.249 денари.
Потоа следуваат дејностите: производство на кожа и слични производи од кожа (16.644 денари), туристички агенции и туроператори (16.995 денари), подготовка на оброци и служење на храна (17.447 денари) и производство на облека (17.606 денари).
ПОВРЗАНИ ВЕСТИ
Просечната плата во ноември 27.588 денари
Топ пет највисоки просечни плати: Програмерите со 66.556 денари убедливо на врвот