Од полноќ до 15.30 часот денеска на граничниот премин Табановце во државава влегле 2.133 патници, од кои 1.496 странски и 637 македонски.
Излез од државата, пак, оствариле вкупно 1.589 патници од кои 816 странски и 773 македонски државјани, соопштија од МВР.
Владата синоќа ги извести граѓаните дека согласно влошувањето на состојбата со Ковид-19 пандемијата во регионот и големиот број нови позитивни случаи, влезот на македонски граѓани во Србија, Црна Гора и Босна и Херцеговина нема да биде дозволен без приложување негативен ПЦР-тест, не е постар од 48 часа од моментот на влез во овие земји.
Можноста за влез на македонски државјани во Косово без ПЦР-тест останува, но Владата апелира до граѓаните да не патуваат надвор од земјата доколку немаат неодложна потреба.
Владата и здравствените власти, согласно новонастанатата епидемиолошка состојба во регионот, соопштија дека во наредните деновите ќе ја ревидираат одлуката за влез на државјани на Косово, Србија, Црна Гора и Босна и Херцеговина во Северна Македонија, без ПЦР-тест.
ПОВРЗАНИ ВЕСТИ
Македонските граѓани без ПЦР тест од денеска само во Косово, не и во Србија, Црна Гора и БиХ
Зголемена фреквенцијата на граничниот премин Јажинце со Косово, влегле околу 1.500 лица до 15 часот
МИА/Фото: Влада