еМагазин
Image default
Македонија

На граничните премини нема задржувања, кај Јанче сообраќајот по една лента

Сообраќајот на државните патишта се одвива по суви коловози. Интензитетот на сообраќај на патните правци надвор од градските средини е умерен, а на граничните премини нема подолги задржувања за влез и излез од државата, информира АМСМ.

Се препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

АМСМ известува и дека поради изведување градежни работи на регионалниот патен правец Маврово – Дебар кај село Јанче сообраќајот ќе се одвива по една лента и ќе биде регулиран од вработените. Поставена ќе биде и соодветна сигнализација за работа на пат.

Автопатот Миладиновци – Штип, секција Миладиновци – Кадрифаково и Кадрифаково – Миладиновци не е пуштен за сообраќај зашто се вршат проверки од безбедносен карактер. Поради тоа, апелира АМСМ, возачите да не го користат.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

За Јанева нема ПИ-мерка и таа не е следена од страна на Јавно обвинителство

Редакција

Обвинителката Русковска: Собранието нека му ја мисли ако избегаат Вељаноски и Димовски

Редакција

Судење за „27 април“: Трајковски во Собрание не влегол да изврши тероризам, туку од радозналост

Редакција