еМагазин
Image default
Македонија

На судењето за „Титаник“ досега се презентирани 1.800 од околу 5.900 материјални докази

Со изведување материјални докази во Кривичниот суд во Скопје денеска продолжи случајот за изборни нерегуларности „Титаник“ на Специјалното јавно обвинителство (СЈО).

Досега се презентирани 1.800 од околу 5.900 материјални докази, предложени од СЈО.

Се презентираат лични документи, како барања за издавање лични карти, изјави за ополномоштени лица, извадоци од сметки, потврди и други документи.

Претседател на судечки совет е судијата Осман Шабани, а застапник на обвинението е Лиле Стефановска.

Судот по бегството на обвинетиот Никола Груевски во Унгарија одлучи да му се суди во отсуство.

Освен Груевски во Титаник обвинети се и Кирил Божиновски, Миле Јанакиески, Гордана Јанкулоска, Билјана Бришкоска Бошковски, Илија Димовски, Мунир Пепиќ, Едмонд Темелко, Леко Ристоски, Кирил Тодоровски, Катерина Веловска, Станко Коруновски, Коста Марковски, Драгче Драгчески, Марјан Накевски, Гоце Јаневски, Џезми Ахмет, Роберт Давитков, Далибор Алешковиќ и Ленка Рашјаковска.

Тие се осомничени за злосторничко здтужување, повреда на избирачкото право, повреда на слободата на определување на избирачите, поткуп при избори и гласање, уништување изборен материјал и злоупотреба на средства за финансирање изборна кампања.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

На местото на разрешениот Вангеловски, за в.д. претседател на Врховниот суд избран Фаик Арслани

Редакција

Гласачките ливчиња имаат 21 заштита и невозможно е нивно фалсификување, велат од печатница „Киро Дандаро“

Редакција

Заев: Кога сите ми кажуваа дека не е можно, имав надеж за решение и подобра иднина

Редакција