Претседателот на Либерално демократската партија, Горан Милевски истакна дека потписи на ЛДП нема, а нема ни да има на списокот за постигнување на ново парламентарно мнозинство, составено од ВМРО-ДПМНЕ, Алтернатива, Алијанса за Албанците, Левица и Беса.
– Потписи на ЛДП нема на списокот, нема ни да ги има. Јас не можам да коментирам за се што се зборува, рече Милевски во изјава за ТВ21.
Претпладнево, пратеникот на Алтернатива, Скендер Реџепи-Зејд во изјава за ТВ Алсат го потврди ставот за кој веќе се шпекулира во јавноста оти го повлекува својот потпис за постигнување на ново парламентарно мнозинство составено од ВМРО-ДПМНЕ, Алтернатива, Алијанса за Албанците, Левица и Беса.
– Кога ја составувавме листата, Левица не беше дел од неа. Не прифаќам мојот потпис да е дел од списокот заедно со потписот на лидерот на Левица. Не го добивме мандатот за да и служиме на антиалбанска кауза, рече Скендер Реџепи-Зејд.
ПОВРЗАНИ ВЕСТИ
Реџепи од Алтернатива се предомисли поради Левица, го повлекува потписот од „списокот“ на Мицкоски
МИА/Фото: Милевски/Фејсбук