Имајќи предвид дека 70.000 најавени вакцини од Бугарија и Грција ќе бидат „АстраЗенека“, министерот за здравство Венко Филипче, денеска изјави дека тие нема да останат неискористени, бидејќи се уште голем дел од популацијата над 60 години не е вакцинирана.
„Имаме 42 проценти од вкупната популација над 65 години пријавени и вакцинирани, но со кампањата, очекувам поголем број на пријавени.
Препораките и ставовите не ги креираме според тоа, кој како ќе се вакцинира според расположливоста на вакцините, туку според стручни препораки,“ вели Филипче.
Тој додаде дека нема стручна препорака за мешање на вакцините, па така, вакцинираните под 60 години со „АстраЗенека“, треба да ја примаат истата вакцина.
Според изјавата на министерот, вакцинираните со „АстраЗенека“ кои се под 60 години, треба да ја примаат истата вакцина на местото каде што се вакцинирале, на пример во Србија, бидејќи во Македонија, ем нема да им се даде друга вакцина, ем нема да ги вакцинираат со истата.
ПОВРЗАНИ ВЕСТИ
Фото: МЗ