Во последните 24 часа направени се 223 тестови, а регистрирани се 34 случаи на Ковид-19, од кои осум се реинфекции.
Согласно, Регистарот на умрени лица со дијагноза Ковид-19 од Мој Термин, регистрирани се три починати лица во период од 10 до 29 август.
Оздравени се 264 пациенти, а активни се вкупно 1.032 случаи на коронавирусот, информира Министерството за здравство.
Од новите случаи, 26 се регистрирани во Скопје, Битола и Прилеп по двајца, Куманово, Охрид, Неготино и Свети Николе по еден.
Оздравени се 264 пациенти од Скопје – 71, Охрид – 46, Делчево – 29, Куманово – 19, Битола – 10, Кавадарци и Струга – по 8, Кочани – 7, Прилеп, Тетово и Велес – по 6, Струмица, Крива Паланка и Пехчево – по 5, Берово, Валандово, Виница и Кратово – по 4, Дебар – 3, Штип, Гевгелија и Македонски Брод – по 2, Неготино, Свети Николе, Гостивар, Кичево, Пробиштип, Богданци, Македонска Каменица и Дојран – по 1.
Согласно, Регистарот на умрени лица со дијагноза Ковид-19 од Мој Термин, регистрирани се три починати лица од Скопје, Крушево и Дебар, на возраст од 79-89 години.
Од нив две лица се починати во болнички услови а едно лице во домашни услови.
Пријавените се починати во период од 10 до 29 август оваа година.
Вкупната бројка на ковид-дијагностицирани лица во Македонија од почетокот на епидемијата изнесува 341.404, бројот на оздравени пациенти е 330.866, на починати е 9.506.
Фото: МЗ