Кривична пријава од група граѓани доставена до Обвинителство, е причината поради која е отворена предистрага во која треба да се утврди како и зошто станицата за технички преглед „Виа Комерц“, каде што поминал на контрола автобусот на „Беса Транс“ кој изгоре во Бугарија, не била затворена навремено, иако пропусти во работењето биле утврдени и нотирани во записник неколку месеци претходно, јавува „Телма“.
Предистрагата е отворена вчера и одземена е документација од неколку сектори во МВР кои го изврпшиле надзорот во станицата за технички преглед и го изготвиле решението за забрана.
Денеска тимови од Oбвинителството влегле и во пререгистрираната станица за технички преглед и од таму исто така се одзема целокупната документација поврзана со работењето и извршените контроли.
Во сообраќајната несреќа на автопатот Струма во Бугарија, загинаа 45 лица, а бугарското обвинителство утврди грешка во загинатиот возач.