Од корона вирусот починаа 9 лица, пет од Скопје, двајца пациенти од Тетово, еден од Охрид и еден пациент од Гостивар, информираат од Министерството за здравство.
“На Клиниката за инфективни болести и фебрилни состојби почина пациент од Скопје (90г), хоспитализиран на 15 јуни.
На Институот за белодробни заболувања и ТБЦ е починат пациент од Скопје (64г).
Во ГОБ „8 септември“ починаа, пациентка (70г) од Скопје, хоспитализирана на 10 јуни, пациент (61г) од Гостивар, хоспитализиран на 17 јуни и пациент од Скопје (57г), примен на 17 јуни.
Пациентот од Скопје (64г), кој на барање и со потпис од семејството е испишан од „8 Септември“ е транспортиран до својот дом со возило на брза помош, починал по пристигнување.
Хоспитализиран бил на 17 јуни во тешка состојба како сомнителен на ковид, а потврден позитивен по приемот.
Во КБ Тетово починати се две лица, пациент (60г), хоспитализиран на 20 јуни и пациентка (70г), хоспитализирана на 15 јуни.
Во ОБ Охрид вчера е починат пациент (64г), чиј позитивен резултат е потврден денес“, информираат од Министерството.
Вкупната бројка на починати е 247.
ПОВРЗАНИ ВЕСТИ
Нови 90 случаи на Ковид-19, во Скопје 36
Чаир стигна до 394 активни случаи со Ковид-19: Како изгледа бројот на заразени по скопските општини
Убава вест: 48 оздравени пациенти од корона вирусот
Фото: МЗ