Лидерот на ЛДП, Горан Милевски очекува премиерот Зоран Заев прво да ги извести во каква влада влегуваат, по договорот со Алтернатива, а потоа во партијата ќе одлучат дали е тоа прифатливо или не за нив.
„Немаше потреба да се прават овие театри еден месец и да се дефокусира јавноста, бидејќи државата има еден силен предизвик во декември, а тоа е почеток на преговорите со Европската Унија и целата енерија на политичките чинители треба да се насочи кон решавање на овој проблем којшто ќе значи подобар животен стандард на граѓаните, наместо да се занимаваме со личните позиции и кадровските решенија коишто очигледно се договорени,“ изјави Милевски, чија партија заедно со ДОМ е дел од владината коалиција
Заедно со ДОМ, ЛДП имаат тројца пратеници и едно министерско место. Милевски е министер за локална самоуправа.
ПОВРЗАНИ ВЕСТИ
Кои ресори освен здравство, ќе ѝ припаднат на Алтернатива
Заев и Гаши се договорија: Алтернатива влегува во Влада, Филипче излегува
Фото: МИА