Кинеските новогодишни прослави во Пекинг се откажани поради обидите да се спречи епидемијата на новиот коронавирус, што веќе предизвика смрт на 25 лица, а стотици се заразени.
Локалните власти соопштија дека ќе ги откажат новогодишните настани во Пекинг, на кои секогаш присуствуваат голем број туристи, со цел „зголемување на превенцијата“ за коронавирусот.
Инаку, втор град во централна Кина денеска е затворен во обид на властите да се спречи ширењето на епидемија на коронавирусот што избувна во соседниот Вухан.
Жезничката станица во Хуангганг, каде има население од 7,5 милиони и е оддалечена 70 километри од Вухан, ќе прекине со работа се до нова наредба на властите. Oд полноќ сите возила ќе бидат проверувани, а баровите и кината ќе бидат затворени.
Покрај откажувањето на летови и возови, властите затворија и кина, кафулиња и други јавни места.
Железничката станица во трет град во близина, Ежоу, каде има население над еден милион, исто така ќе се затвори од вечерва, иако не беа објавени други мерки.
Бројот на жртви од коронавирусот се зголеми на 25, со повеќе од 600 потврдени случаи на инфекцијата.
МИА
ПОВРЗАНИ ВЕСТИ
СЗО засега нема да прогласи вонредна состојба на глобално ниво поради новиот коронавирус
Кинескиот град Вухан во сообраќајна изолација заради коронавирусот