Одделот за внатрешна контрола, криминалистички истраги и професионални стандарди во Министерството за внатрешни работи постапува по случајот со полицискиот службеник А.С. и неговите објави на социјалната мрежа Фејсбук во врска со нападите на Хамас врз Израел, информираа денеска од МВР.
ПОВРЗАНИ ВЕСТИ
Која е Хамас, која го нападна Израел
Против него, најавија од МВР, ќе биде поведена дисциплинска постапка односно ќе следуваат соодветни санкции.
– Ставот на МВР и Владата е јасен и прецизен. Силно ги осудуваме нападите на групата Хамас врз Израел и се солидаризираме со израелскиот народ. Апелираме за решенија преку дијалог. На светот му е потребен мир, соопштија од МВР.
Од ВМРО-ДПМНЕ велат дека станува збор за Аднан Синани, началник во Одделот обезбедување во Министерството за внатрешни работи и лице кое работи како лично обезбедување на заменик министерот за внатрешни работи, Назим Буши, работа која вклучува ВИП обезбедување, учество во домашни и странски делегации и присуство на меѓународни настани.
ПОВРЗАНИ ВЕСТИ
(Вознемирувачки видеа) Шокатни снимки од киднапирани Израелци од страна на Хамас
(Вознемирувачки видеа) Хамас уби над 260 млади на транс фестивал во Израел