Поранешната министерка за култура Елизабета Канческа-Милевска, при една електронска комуникација во 2017 година со екс министерот за образование и наука, Спиро Ристовски, обвинет во случајот „организаторите на 27 април”, го информира дека: „во протестите фалат спортисти“, а одговорот на обвинетиот Ристовски, е дека е „запознаен и дека прави притисоци секој ден“.
Шефицата на Обвинителството за гонење на организиран криминал и корупција, Вилма Русковска, при читање на материјалните докази во дополнение на доказна постапка, денеска прочита пораки на обвинетиот Ристовски, каде тој и одговара на Милевска: „тоа е срце, ти кажав ова е атмосфера”.
Истовремено, во текот на почеток на месец март 2017 година, Канческа го брифира сега обвинетиот Ристовски, за организацијата на настаните. „Горан Стoјановски (Џемо Билбил) и други ги договоривме за утре”, му пишува Милевска, на Спиро Ристовски, на 2 март 2017.
Претходно на денешното рочиште за „Организаторите на 27 април” беа изведени материјални докази и за обвинетиот Миле Јанакиески. Во однос на овие докази беше сослушан и вработен во Секторот за компјутерски криминал и дигитална форензика при МВР.
Судењето за овој случај го води судијата Илија Трпков, а застапник на обвинението е јавниот обвинител Вилма Русковска.
Во овој предмет обвинети се поранешниот собраниски спикер Трајко Вељаноски, поранешните министри за транспорт и врски и за труд и социјална политика, Миле Јанакиески и Спиро Ристовски, како и поранешниот директорот на Управата за безбедност и контраразузнавање (УБК), Владимир Атанасовски.
Според обвинението тие се осомничени за кривичното дело терористичко загрозување на уставниот поредок и безбедноста.
ПОВРЗАНИ ВЕСТИ
Вработен во МВР, сведочеше на судењето за „организаторите на 27 април“
МИА