Пациентите со делта сојот на Ковид-19 не биле вакцинирани, еден е во многу тешка состојба

Ниту еден од ковид позитивните пациенти кај кои е изолиран делта сојот на SarsCov2 не е вакциниран за Ковид -19, информираат од Министерство за здравство.

ПОВРЗАНИ ВЕСТИ

Се што треба да знаете за делта сојот на Ковид-19: Од симптоми до вакцини

„По направените анкети со пациентите утврдено е дека никој од нив не примил ниту една доза вакцина, односно ниту се вакцинирани, ниту ревакцинирани.

Од вкупниот број позитивни пациенти, кај кои е утврдено присуство на делта сој, само еден е во многу тешка состојба. Станува збор за пациент, кој 8-9 дена откако појавил симптоми на Ковид-19, одбивал да оди на лекар и бил во домашна изолација.

Во моментов се вршат епидемиолошки анкети на останати членови од семејството на двајца од хоспитализираните пациенти, кои живееле во заедница и возможно е да се утврди и кај нив присуство на индиски сој на вирусот,“ се вели во соопштението.

Министерството за здравство апелира до граѓаните за што помасовна вакцинација, како и придржување кон основните препораки за заштита од Ковид-19.

Сите вакцини со кои располагаме се безбедни и ефикасни и се единствениот начин за заштита од Ковид-19, велат од Министерството.

ПОВРЗАНИ ВЕСТИ

Сите вакцини се ефикасни во заштита од тешка форма на болеста и хоспитализација од делта сојот, велат од Министерство за здравство

Четврти случај на делта сојот во Македонија, за четворица се чекаат резултати

Доктор Пановски: Нон сенс е Грците нас да не тестираат каде што нема делта сој, а ние да немаме мерки за патниците од таму

Фото: Photo by Louis Reed on Unsplash