Прилепска Пиварница АД Прилеп во првото тримесечие од 2021 година оствари вкупен приход во износ од 277.344 илјади денари, кој во споредба со остварениот вкупен приход во 2020 година од 301.148 илјади денари покажува остварување од 92,10%, информира компанијата преку Македонската берза.
“Во структурата на приходите најголемо учество има приходот од продажба на производи од 203.382 илјади денари и учествува со 73,33%, па приходот од продажба на стоки од 65.056 илјади денари, кој учествува со 23,46%, додека останатите приходи од 8.166 илјади денари учествуваат со 2,94% и се остварени по основ на приходи од употреба на сопствени производи, останати деловни приходи и финансиски приходи.
Остварените вкупни расходи во првото тримесечие од 2021 година изнесуваат 277.744 илјади денари и во споредба со остварените вкупни расходи во 2020 година од 310.877 илјади денари бележат намалување и се остварени со 87,41%.
Врз основа на вредноста на остварениот приход од работењето и остварените вкупни расходи во првото тримесечие од 2021 година Друштвото оствари позитивен финансиски резултат од 5.600 илјади денари и истиот е далеку поповолен споредено со остварениот резултат во истиот период од 2020 година“, информираат од компанијата.
ПОВРЗАНИ ВЕСТИ
Смени во менаџментот на Прилепска пиварница