ВМРО-ДПМНЕ вечерва одржа протести со движење на колона возила низ улиците на седум градови во државата против, како што велат од партијата, криминалот, корупцијата, неправдите и прогонот.
Освен во Скопје, во исто време имаше протести и во Велес, Охрид, Куманово, Прилеп, Штип и Битола.
„Овој политички прогон мора веднаш да запре, знаеме дека се случува поради немоќта на власта. Таа е исплашена дека за многу скоро ќе дојде тој ден кога ќе се соочи лице во лице со чистата и јасна правда, меѓутоа ова што му го прават на македонскиот народ, тој нема да го заборави и ќе ги казни час поскоро“, изјави лидерот на ВМРО-ДПМНЕ, Христијан Мицкоски.
Фото: Фејсбук/Мицкоски
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.