еМагазин
Image default
БЕСПАРИЦА ТОП СТОРИИ

Раст на трошоците на животот: Поскапеле зеленчукот, млекото, горивата, гасот…

Tрошоците на животот во септември 2018 година, во споредба со септември 2017 година, забележаa пораст од 1.5 %, а цените на мало забележаa пораст за 2.6 %, соопшти Државниот завод за статистика.

Трошоците на животот во септември 2018 година, во однос на претходниот месец се намалени за 0,1 отсто, а цените на мало за 0,7 отсто.

Пораст на трошоците на животот во септември 2018 година, во споредба со претходниот месец е забележан кај свежиот и разладениот зеленчук, освен компирот и другите коренести плодови за 7.4 %, замрзнатото овошје за 0.7 %, конзервираното овошје за 0.6 %, рибата и морските плодови за 0.5 %, млекото за 0.4%, другите преработки од месо, алкохолните пијалаци за 0.3 % и оризот за 0.2%.

Во септември 2018 година, исто така, пораст на индексите на трошоците на животот е забележан и кај течните горива за домаќинствата за 2.8 %, средствата за чистење и одржување на станот за 2.6 %, гасот за домаќинствата за 2.0 %, течните горива и мазива како дел од опремата за сопствени сообраќајни средства за 1.6 %, канцеларискиот материјал и материјалите за цртање за 0.6 %, мебелот за домаќинствата за 0.5 %, угостителските услуги за 0.4 %, телефон и телефакс-опремата, услугите за лична хигиена за 0.3 %, теписите и другите покривки за под, градините, растенијата и цвеќињата за 0.2 %.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Агенцијата за катастар на недвижности вработува 18 лица, плата до 25.023 денари

Никола Осило

“Рекет“ “удри“ и на предметите на СЈО за кои во тек се судења

Редакција

Каков имот пријавил суспендираниот судијата Мустафа Шахини, чии мандат е продолжен за две години

Редакција