еМагазин
Image default
Свет ТОП СТОРИИ

Русија регистрираше спреј против Ковид-19: Пациентите оздравуваат за само осум дена

Руското Министерство за здравство го регистрираше лекот „Лајтрагин“ за превенција и лекување на пневмонија предизвикана од инфекција со коронавирусот, соопшти денеска Руската агенција за медицина и биологија преку својата интернет страница.

„Лекот во спреј „Лајтрагин“, развиен од Агенцијата за медицина и биологија, е регистриран во руското Министерство за здравство. Тој е наменет за спречување и лекување на пневмонија. Целта е да се спречи воспаление на белите дробови, што е една од компликациите на коронавирусот“, се наведува на сајтот на Агенцијата, пренесе Тасс.

Во соопштенито се додава дека производството на лекот веќе е во тек.

„Лајтрагин“ е првиот лек што има за цел да спречи и да се бори против цитокинската бура што во организмот ја предизвикува Ковид-19.

За време на клиничкото тестирање меѓу 320 пациенти со средни симптоми на Ковид-19 немало смртни, ниту посериозни случаи.

Пациентите кои земале „Лајтрагин“ заздравувале во просек за осум дена, додека пациентите третирани со класичните методи заздравувале за 14 дена, наведено е во клиничките тестирања.

МИА/Фото: Photo by Fusion Medical Animation on Unsplash

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Цената на зејтинот „Брилијант“ намалена за 40 денари, велат од „Витаминка“

Редакција

Тимчо Муцунски: Треба јасно и недвосмислено да признаеме каде згреши ВМРО-ДПМНЕ во минатото

Петре Димитров

На граничниот премин Ново Село нема поголема фреквенција на возила и патници

Редакција