Да сакаш на другар да му честиташ роденден, а тој да не може да ја прими искрената честитка, напиша ТВ-водителот Сергеј Варошлија на својот Фејсбук профил во пост во кој му го честиташе роденденот на Бојан Јовановски-Боки 13, првообвинет во случајот „Рекет“, кој е во притвор.
„Можете да го нарекувате како сакате, со секакви надимаци и описни зборови, но за мене бил и ќе остане само едно име – Бојан, кое асоцира на другарство, пријателство, едно од оние ретките, едно од оние малкуте кои и јас, и сите ние ги имаме во животот, едно од оние кои се бројат на една рака!
Еден од ретките кои искрено се грижеше, бореше и интересираше за сите, а „сите“ наоколу ретко, а уште помалку искрено се грижеа или бореа за него, зошто повеќе ги интересираше „што, како, зашто…“, заслепени од тие „прашања“ не можеа да ја видат неговата суштина и човечност пред се! Но, не за џабе викаат „човек на човек му е огледало”!
Среќен роденден драг мој Бојан! И како вика онаа народната: „се проаѓа“, битно да си ми жив и здрав!
П.С. Благодарам на малкуте пријатели што ми се јавија – пишаа во овој период, Вие знаете кои сте!“, напиша Варошлија.
ПОВРЗАНИ ВЕСТИ
Уште 30 дена притвор за Бојан Јовановски – Боки 13 и Зоран Милески – Кичеец
Кај се парите кои ги изрекетирале Боки 13 и Кичеец?
Дечки, “мрачните сили“ не отидоа по рекет кај Камчев, Боки 13 беше
Фото: Фејсбук/Варошлија