Додека јавноста е благо кажано шокирана од онаа што неколку дена го гледа и слуша од снимките кои ги објави италијанскиот весник “Ла Верита“, а кои се однесуваат на мега-скандалот “Рекет“, кој доправа ќе се шири, во истите од владејачката СДСМ видоа “мрачни сили“ кои сакаат да и наштетат на Македонија.
Од СДСМ се обидоа и скандалот да и го „закачат“ на ВМРО-ДПМНЕ, ама без ефект. Не за друго, речи се околу “Рекет“ се врти околу лица блиски или функционери на владејачката партија.
Зарем има некој во Македонија што верува дека Боки 13 е главната фаца во “Рекет“ и дека „игра„ сам? Нормално дека не.
И лидерот на партијата, премиерот Зоран Заев во снимките виде “непријатели на нашата земја“ и вели дека: “нема да им успее планот преку користење криминалци, манипулатори и измамници да го спречат успехот на земјава, членството НАТО и почетокот на преговорите со ЕУ“.
Тоа допрва ќе видиме есенва. И така од ЕУ веќе ни имаа најдено куп мани. И со право. После “Рекет“ само еден Бог знае што сега мислат за нас.
Уште првиот ден кога Јавното обвинителство сподели детали со јавноста за “Рекет“, информираше дека поседуваат видео и аудио снимки.
Е, сега пред ние да видиме и слушнеме дел од тие снимки, можеме да претпоставуваме кој се ги видел и слушнал, од лидери на партии до дипломати, па затоа навистина е беспредметна и дискусијата како тие завршиле до италијанскиот весник.
Патетично е „плачењето“ дека еве веќе истите ги злоупотребува кој ќе стигне. Е, па дечки, политика е тоа.
Затоа, наместо допoлнителна драма, од која на сите ни е веќе преку глава, надлежните институции сериозно да се фатат за работа и да се реши овој случај, што е можно побрзо. Оти други ќе го решат.
ПОВРЗАНИ ВЕСТИ
ОК, Катица го договарала Камчев за соработник-сведок, а Боки 13 во која улога е во приказната?
Ивор Мицковски: Не ви врви причата дека се е напад врз нацијата
Адвокатката Јошевска: „Русковска троа нека одмори, имаме ние време, нека не брза“
Фото: Боки 13/Инстаграм