„Кентаур“ или варијантата БА. 2.75 е брзо-ширечка варијанта на омикрон која се појави во Индија, а потоа се прошири во 10 држави, клучувајќи ги Обединетото Кралство, САД, Австралија, Германија и Канада.
Овој сој на омикрон, Европскиот центар за контрола и превенција на болести (ЕЦДЦ) минатата недела го оквалификува како „варијанта под надзор“ и се уште се испитува дали оваа варијанта е позаразна, пишува Гардијан.
Водечката научничка во Светската здравствена организација (СЗО), Сумија Сваминататан изјави дека засега нема доволно голем примерок за да се испита сериозноста на варијантата.
Она што е алармантно е дека БА. 2.75 содржи дополнителни мутации наспроти БА.2.
„Тешко е да се предвиди ефектот на толку мутации што се појавуваат истовремено. Тоа му дава на вирусот одредена непредвидливост. БА.2.75 дефинитивно е потенцијален кандидат за она што ќе се случува по БА.5,“ вели Том Пикок, виролог од Империјалниот колеџ во Лондон.
ПОВРЗАНИ ВЕСТИ
Фото: Унсплаш