Премиер Зоран Заев во интервју за Дојче Веле вели дека планот за декриминализација и легализација на марихуаната е дел од поширокиот економски пакет, чија цел е да се стимулира домашната економија.
„Идејата е да се даде можност во туристичките места, вклучително и Скопје, кафулињата, постојни и нови, со почитување одредени стандарди – вентилација, доказ за потекло на марихуаната и сл., да се овозможи консумација на марихуана внатре во нив“, вели Заев во интервјуото.
Премиерот додава и дека ќе бидат исти стандардите за сите и секој да може да аплицира.
„Верувам за мала земја, тоа може да донесе сериозен развој за угостителството и туризмот, имајќи ги посебно предвид нашите прекрасни туристички места: Струга, Охрид, Ресен, Дојран, Скопје, Берово, Маврово и сите други места“, вели тој.
Неговата проценка е дека овој проект може да им помогне и на угостителската дејност, но и на туризмот генерално.
„Ова е алатка со која можеме да ги дигнеме услужните дејности, затоа што тие малку учествуваат во домашниот БДП“, вели Заев и ветува дека на оваа тема ќе се отвори широка дебата, па „ако мнозинството каже ’не чепкајте таму’, нема да чепкаме.”
ПОВРЗАНИ ВЕСТИ
Министерот Маричиќ: Декриминализацијата на марихуаната може да донесе повеќе поволности
Филипче: Лично поддржувам декриминализација на употребата на дрога
Заев: Освен декриминализација, лично поддржувам легализација на употребата на марихуана