Директорот на Општата болница во Струмица, Наќе Гогов, денеска на Фејсбук прво објави апел за донации за да се набави амбулатно возило, а по некое време испрати нов апел за да не се донира.
Апелите на Гогов предизвикаа реакции во јавноста, по што пратеникот на СДСМ, Костадин Костадинов на Фејсбук соопшти дека е најдено амбулатно возило, а болницата ќе го добие најдоцна за два месеци.
„Во оваа пандемија, клучот е да бидеме одговорни и во интерес на граѓаните да делуваме со ладни глави. Го разбирам притисокот кај здравствените работници.
Во консултации со премиерот Зоран Заев и министерот Венко Филипче би сакал да ја информирам јавноста дека е обезбедено ново амбулантно возило и најдоцна за 2 месеци, до декември оваа година треба да пристигне за Струмичката болница.
Дополнително се прват напори и за повеќе, во првото тромесечије од 2021 како донација од Кина ќе пристигнат 60 амбулантни возила за Македонија“, напиша тој на Фејсбук.