еМагазин
Image default
Македонија

Судење за „Таргет-Тврдина“: Јанкуловски го испрашуваат поранешните колеги

Со вкрстено испрашување на сведокот Марјан Јанкуловски, во Кривичниот суд почна рочиштето за предметот „Таргет-Тврдина“.

Прашања врз основа на сведочењето поставуваше обвинетата Надица Николиќ, која од Јанкуловски, бараше потврда и согласност на одредени искази кои ги даде на минатото рочиште, меѓу кои и тоа околу надлежностите и пристапот до одредени таргети на обвинетата.

На почетокот на судењето обвинителката Ленче Ристовска, повикувајќи се на одредбите за испитување сведоци од ЗКП, побара од Судот да го отстранува едниот сведок додека другиот дава исказ, бидејќи, како што рече, досегашната пракса покажала оти во медиумите се изнесуваат детали од сведочењата кои се во спротивност од законот и да ги информира претставниците на медиумите за ваквата поставеност на кривичната постапка за да се избегнат ситуации каде со исказите на сослушани сведоците, пренесени преку медиумите, се влијае врз оние кои не се сослушани.

Обвинителката појасни дека не сака да се сфати дека сака да влијае на уредувачката политика на медиумот.

Судијата Џенета Бектовиќ рече дека законските одредби се јасни и предвидуваат јавно и транспарентно присуство на јавноста или целосно исклучување на јавноста.

– Вака поставеното барање на ЈО е нејасно и неразбирливо особено што се наметнува на Судот да влијае врз медиумите што е спротивно на начелото за транспарентност на постапката. Секој од сведоците е предупреден за лажно сведочење, истакна Бектовиќ по консултација со судијата Владимир Туфегчиќ и поротниците.

Според обвинителниот акт, преку три системи за следење на комуникациите во УБК, во периодот од 2008 до 2015 година незаконски биле следени 4.286 телефонски броеви за кои воопшто не биле издадени судски наредби.

Комуникацијата била следена пред да бидат издадени и по завршување на траењето на важноста на судските наредби на 1.541 број или вкупно 5.827 телефонски броеви. Прислушувани биле над 20 илјади граѓани.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Спасовски: Контактираме со сите служби во регионот, се утврдува како избегал Груевски и кој му помагал

Редакција

Борисов инсистира до октомври да има договор чив е Гоце Делчев

Редакција

Закани и навреди врз новинарката на Слободен печат, Мирослава Бурнс, осуда од ЗНМ и СЕММ

Редакција