еМагазин
Image default
Македонија

Судењето за „Титаник 3“ одложено за 29 јануари

Судењето за уништување изборен материјал на локалните избори во 2013 година „Титаник 3“ се одложи за 29 јануари 2020 година. За денешното рочиште не беше обезбеден сведокот кој има пријавено живеалиште во Германија.

Судот на минатото рочиште даде налог доколку не може да се обезбеди негово лично присуство, сведокот да биде сослушан преку видео конференциска врака, но и тоа не се реализираше.

Во „Титаник 3“ обвинети се Ејуп Аљими и Исмет Гури од ДУИ, кои се товарат дека како членови на Општинската изборна комисија во Чаир на локалните избори во 2013 година уништувале изборен материјал.

Постапката почна одново на 15 март годинава по именувањето на судијката Марија Клетичка за нов судија во предметот, откако судијката Оља Ристова, која го водеше случајот, во февруари годинава побара изземање од предметот. Застапник на обвинението е Фатиме Фетаи.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Газдите на конфекциите го потврдија нивниот робовладетелски однос кон текстилните работници, сметаат од Хелсиншки

Редакција

Мицкоски: Во ВМРО-ДПМНЕ нема раскол или некакви недоразбирања

Редакција

Естонија го ратификува Протоколот за НАТО

Редакција