Вакцините што во моментов се достапни и одобрени засега се ефикасни против сите варијанти на вирусот, соопшти денеска Светската здравствена организација (СЗО).
Додека здравствената состојба во Европа се подобрува, меѓународните патувања, сепак, сѐ уште треба да се избегнуваат поради „постојаната закана и новите неизвесности“, предупреди Ханс Клуге, директор на СЗО за Европа.
– Тоа е неизвесна закана, рече Кетрин Смолвуд, одговорна за вонредни ситуации во европскиот огранок на СЗО, велејќи дека „пандемијата не е завршена“.
Според СЗО, низ целиот регион што опфаќа делови од Централна Азија, бројот на нови случаи за еден месец опаднал за 60 проценти, од 1,7 милиони кон средината на април на 685.000 минатата недела.
– Одиме во вистинската насока, но мора да бидеме внимателни. Зголемената мобилност, физичката интеракција и собирите може да доведат до зголемен пренос во Европа, рече Клуге.
Покрај тоа, мерките за олеснување треба да одат заедно со зголемени напори за скрининг, редослед и вакцинација, додаде првиот човек на СЗО за Европа.
– Нема нула ризик, рече Клуге, додавајќи дека „вакцините можат да бидат светлост на крајот од тунелот, но тоа не смее да нѐ заслепи“.
МИА/Фото: МЗ