Локалните бугарски власти соопштија детали за убиството на Игор Николовски (50), Македонец кој беше убиен од 14-годишен бугарски државјанин во Сончев Брег.
Како што информираше високот комесар Калојан Калојанов од полицијата во Бургас, малолетникот Михаил, веќе имал криминално досие.
-На 14 години да имаш извршено неколку кривични дела и да го завршиш тоа со убиство не може да се перцепира како прифатливо, изјави Калојанов.
Надзорниот обвинител Иван Кирков објасни дека малолетникот е обвинет по член 115 од Кривичниот закон, а поради тоа што е малолетен максималната казна е до пет години затвор. Ако делото биде преиначено во убиство поради себична корист тогаш казната може да е повисока.
Тие претходно не се познавале.
-Оствариле контакт на улица. Според податоците, имало некаков договор за сексуален контакт. Тие отишле на местото на злосторството. Жртвата е убиена со удар од колец, изјави Калојанов.
Другиот можен мотив за злосторството е ограбување на Николовски.
-Недостигаат 1.800 лева. Утврдено е дека дел од нив се искористени за купување на залог во заложна куќа. Со преостанатото, сторителот си купил работи, изјави Калојанов.
Полицијата уште не го пронашла телефонот на Николовски, а малолетникот моментално е во притвор.
-Осомничениот изјави дека бил повикан од македонскиот државјанин на секс. Тие отишле во шумата, но момчето потоа се обидело да ја напушти локацијата. Оштетениот го повлекол и тој во своја одбрана зел колец и го удрил неколкупати по главата, по што се оддалечил. Ја сокрил информацијата дека ги зел парите, изјави Кирков.
Според бугарскиот сајт Флагман убиството најверојатно се случило во саботата, а исчезнувањето на Николовски било пријавено во вторникот од страна на неговиот внук со кого дошле да работат во Бугарија. За време на летната сезона работел во Сончев брег, а во зимската во Банско.
Според сајтот и минатата есен Михаил претепал со стап украински државјанин и му го украл златниот накит.
ПОВРЗАНИ ВЕСТИ
МНР го потврди убиството на македонски државјанин во Бугарија
Во Бугарија од тинејџер убиен 49-годишен македонски државјанин