Украинскиот лидер Володимир Зеленски ги прекина дипломатските односи на Киев со Москва како одговор на руската инвазија.
– Ги прекинувавме дипломатските односи со Русија, нагласи Зеленски во видео-порака.
Тоа го означи првиот прекин на врските откако Русија и Украина станаа независни земји по распадот на Советскиот Сојуз во 1991 година.
Претходно, пак, Русија го суспендираше движењето на комерцијалните бродови во Азовското Море до понатамошно известување, објави Руската управа за поморски и речен транспорт.
Комерцијалниот сообраќај во Азовското Море е прекинат по ескалацијата на конфликтот во Украина.
Русија почна „специјална воена операција“ во Украина. Рускиот претседател Владимир Путин изјави дека ја одобрил воената акција, бидејќи Русија немала друг избор освен да се брани од, како што рече, заканите кои доаѓаат од Украина.
ПОВРЗАНИ ВЕСТИ
Цената на нафтата нагло порасна, а берзите тонат по нападот на Русија врз Украина
(ВИДЕО) Потресни снимки од Украина: Цивилите масовно ја напуштаат земјата
(ВИДЕО) Русија ја нападна Украина
МИА/Фото: Унсплеш