Остварените вкупни приходи од работење во првиот квартал од 2023 година на УНИ Банка АД Скопје изнесуваат 491.2 милиони денари и во однос на истиот период од минатата година бележат зголемување од 12.6%, соопшти Банката преку Македонската берза.
-Најголем придонес во остварувањето на позитивен финансиски резултат во износ од 132.1 милиони денари имаат приходите од камати како најзначаен елемент на банкарските приходи.
Имено, во структурата на вкупните приходи (приходи од камати, приходи од провизии и надомести, нето-приходи/расходи од курсни разлики и останати приходи од дејноста), најголемо учество од 65.2% имаат приходи од камати, кои во споредба со истиот период од 2022 година се зголемени за 20.3%, а анализата на секторската структура на приходите од камати покажува поголема ориентација на Банката кон кредитирање на секторот население.
Во вкупните приходи од дејноста на Банката, треба да се истакне порастот на приходите од провизии од 7.4%, како резултат на растечкиот тренд на дигитализација во користењето на банкарските услуги и продукти и привлекувањето на нови клиенти корисници на наведените услуги.
Остварените расходи во првиот квартал од 2023 година изнесуваат 359.1 милиони денари и бележат намалување од 8.4% во однос на истиот период од 2022 година. Намалувањето на расходите се должи пред се на намалување на административните расходи и на помалиот износ на издвоени средства за зајакнување на резервациите по кредити, велат од таму.
ПОВРЗАНИ ВЕСТИ
Константин Илијчов Арнаудов избран за член на Надзорниот одбор на УНИ Банка
УНИ Банка ќе дели дивиденда од 282,9 денари бруто по акција
Кои се најголемите акционери во УНИ Банка