Електрани на Северна Македонија (ЕСМ) АД соопшти дека не доставиле понуда до универзалниот снабдувач ЕВН Хоум, затоа што одлуката од Владата во однос на препорачаната цена и количините на струја била за шест месеци, а тендерот на ЕВН Хоум е за 12-месечен период.
– Одлуката од Владата на Република Северна Македонија во однос на препорачаната цена и количини на електрична енергија со кои АД ЕСМ треба да се јави на тендерот на ЕВН Хоум за 2022 година се однесуваат на 6-месечен период, додека актуелниот тендер на ЕВН Хоум е распишан за 12-месечен период.
Од тие причини, АД ЕСМ денеска не поднесе понуда, стои во соопштението од ЕСМ.
Оттаму посочуваат дека ќе се јават на следниот тендер на универзалниот снабдувач, кој треба да биде за периодот јануари-јуни 2022 година.
ПОВРЗАНИ ВЕСТИ
Поскапувањето на струјата нема да биде над 10%, неизвесно дали преку ден ќе има евтина тарифа