Министерот за здравство Венко Филипче денеска информираше дека во текот на вчерашниот ден бил потврден уште еден случај на делта сој на вирусот, a болниот се наоѓал во болницата во Велес.
Тој додаде дека денеска се чекаат резултати за уште четворица.
„Сите четворица се лекуваат овде во Скопје, а еден од нив е со потешка клиничка слика и е на респиратор, другите се во стабилна состојба. Скринингот кој се прави на тестовите се прави на сите тестови и ја исклучува британската варијанта.
Доколку се покаже дека не е британската варијанта се прави секвенционирање за да се покаже присуството на делта варијантата, а тоа сега се прави кај овие четири пациенти и до вечер ќе ги имаме резултатите,“ рече Филипче.
ПОВРЗАНИ ВЕСТИ
Двојно поголем ризик за хоспитализација: Што е познато, а што се истражува во врска со делта сојот
Фото: Photo by Louis Reed on Unsplash