Во интервју за бугарската телевизија BTV, министерот за надворешни работи Никола Димитров беше испровоциран од страна на новинарот во врска со јазикот.
На констатацијата и прашањето на бугарскиот новинар дека „јазиците ни се блиски, но Димитров не одговорил на каков јазик тие зборуваат во студиото“, Димитров му одговори: „епа Вие зборувате на бугарски, јас говорам на македонски јазик“.
Говорејќи за добрососедските односи помеѓу двете држави Димитров вели дека процесот бара самодоверба.
„Кога ќе се свртиме назад треба да бидеме објективни и со самодоверба да гледаме кон историјата, вклучувајќи ја и општата или заедничката историја. И исто така треба да донесе и до прифаќање на реалноста кои сме ние денес, дека сме блиски.
За да биде одржлив овој однос и ова пријателство да биде вечно, нашата задача како политичари е да направиме да не може да се добиваат политички поени критикувајќи го другиот или напаѓајќи го другиот. Оти јас не можам да станам со Вас пријател ако Ви се заканувам или ве напаѓам,“ вели Димитров меѓудругото во интервјуто.
Фото: Влада/Видео:Фејсбук/Димитров/БТВ