Граѓаните кои протестираа прво пред Владата, а потоа и пред Јавното обвинителство (ЈО) побараа одговорност од последните министри за здравство, во врска со случајот на Клиниката за онкологија.
Учесниците на протестот го изразија нивниот револт со фрлање на јајца кон ЈО и извикуваа „убијци”, „мафија”, „оставка”, „нема правда, нема мир”, како и „правда за жртвите”.
Тие повикаа на поддршка од сите граѓани без разлика на етничка припаднист или партиска определеност. Најавија дека повторно ќе има протести следниот понеделник во исто време и на исто место.
За време на протестот граѓани споделија свои лични приказни пред присутните и ја раскажаа голготата што ја поминувале во болницата.
На протестот имаше и едноминутен молк за починатите пациенти на Онкологија.
ПОВРЗАНИ ВЕСТИ
Сестрата која била фатена со украдена терапија, добила отказ од Онкологија во мај
Повеќе лица се под посебни истражни мерки за случајот со Онкологија, откри Спасовски
МИА/Фото: МИА/Видео: а1он.мк