Последниве недели во Грција, една од топ темите е жена од Патра, која деновиве е уапсена за убиство на нејзината прва ќерка, пренесува дописникот на еМагазин од Солун.
Во рок од три години, починаа сите три деца на гркинката Рула Писпиригку (33), што ја вознемири грчката јавност, која се сомнева дека сите три деца се убиени токму од Писпиригку.
Јавното обвинителство соопшти дека ќе ја гони кривично за убиство од прв степен на нејзината прва ќерка Џорџина, и од таму посочија дека убиството било планирано, објавија грчките медиуми.
Синоќа пред нејзината куќа во Патра се собраа жители на градот, кои напишаа „Смрт„ на вратата, а местото го обезбедуваше полиција.
Џорџина имаше 9 години и почина во јануари годинава во детска болница во Атина.
Минатата недела и беше направена токсиколошка анализа и во нејзиното тело беше откриен кетамин, анестетик кој може да биде смртоносен во големи дози, кој не бил вклучен во третманите на лекарите.
Другата ќерка Малена, почина на возраст од 3 години во 2019 година, а синот Ајрис, која имаше само шест месеци, почина во 2021 година.
Обвинителството во Патра отвори истрага за смртта и на двете други деца.
Не е јасна улогата на таткото во овој случај.
Грција не памти вакво злосторство, пренесува дописникот на еМагазин.
Фото: Фејсбук/Видео: The Best Portal